Witajće na stronach Serbskeho ewangelskeho towarstwa!

Serbski  kónc tydźeń

 

W nazymskich prózdninach do Hainewalde!

Serbske ewangelske towarstwo a Serbski wosadny zwjazk přeprosytej wot 22. do 24. oktobra 2021 na serbski ewangelski kónc tydźenja do Hainewalde w Žitawskich horinach pod hesłom „Hojenska woda žiwjenja“.

Chcemy zhromadnje wo křćeńcy a Božim wotkazanju rozmyslować, zhromadnje so modlić a ze spěwom a hrami serbsku zhromadnosć hajić a wězo w krasnej wokolinje  pućować.

Hdyž to aktualna situacija pandemije dowoli, započnje so kónc tydźenja pjatk, 22. oktobra, wot 16.00 hodź. w Eurohof Hainewalde, Scheibe 15, 02779 Hainewalde. Jeli dyrbi hišće něchtó dźěłać, móže wězo tež hakle sobotu přijěć. Zakónčenje budźe njedźelu, 24. oktobra, po wobjedźe.

Kónc tydźenja płaći za dorosćenych 50 eurow, za dźěći a młodostnych wot 3 hač do 18 lět 20 eurow (pod 3 lětami darmotne). Prošu přepokazajće pjenjezy hač do 5. oktobra na konto Serbskeho ewangelskeho towarstwa:

Sorbischer evangelischer Verein

IBAN DE03 8555 0000 1000 0831 67

BIC: SOLADES1BAT Wokrjesna nalutowarnja Budyšin

hesło: Hainewalde 2021, mjeno swójby.

 

Zwjazowace přizjewjenja pósćelće prošu na serbsku superintendenturu: Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!.

Za dalše informacije wobroćće so prošu na Mata Krygarja: tel. 035939/80502, mejlka Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!.

 

Wjeselimy so jara, zo nas při dźěle z dźěćimy swójbne kubłanje RCW a dźiwadwowa pedagogika NSLDź podpěratej. Tež Serbski superintendent Krystof Rummel budźe pódla.

Mato Krygaŕ